ITSHKSH dhe ISPN formalizuan marrëveshjen e bashkëpunimit

Shkup, 15.2.2017 – Bashkëpunimi i sukseshëm i viteve të fundit në mes të Institutit të Trashëgimisë Shpirtërore e Kulturore të Shqiptarëve (ITSHKSH) në Shkup dhe Institutit për Studime Politike dhe Ndërkombëtare (ISPN)-Shkup, sot rezultoi me nënshkrimin e një marrëveshjeje bashkëpunimi.

Marrëveshja e nënshkruar nga drejtorët respektiv, prof.ass.dr.Skender Asani nga ITSHKSH-Shkup dhe prof.dr.Ylber Sela nga ISPN-Shkup, ka për qëllim formalizimin e bashkëpunimit në në mes të dy instituteve në më shumë fusha. Këtu parasëgjithash bëjnë pjesë pjesëmarrja në projekte dhe hulumtime të përbashkëta rajonale dhe ndërkombëtare, organizimi i konferencave, simpoziumeve, seminareve të përbashkëta, shkëmbimi i literaturës, informacioneve, dokumenteve, etj.

Drejtorët Asani dhe Sela u shprehën të bindur se bashkëpunimi i deritashëm do të kurorëzohet edhe me projekte dhe aktivitete tjera të përbashkëta, që janë në të mirë të zhvillimit të këtyre dy instituteve dhe shkencës në përgjithësi.