ITSH Instituti i Trashëgimisë Shpirtërore e Kulturore të Shqiptarëve – Shkup
Konferenca shkencore:
“Gjenocidi kundër shqiptarëve gjatë shek. XIX-XX”
Instituti i Historisë “Ali Hadri” në Prishtinë, në bashkëpunim me Institutin e Historisë në Tiranë, Institutin Albanologjik në Prishtinë, dhe me Institutin e Trashëgimisë Shpirtërore e Kulturore të Shqiptarëve në Shkup, organizojnë Konferencën shkencore: “Gjenocidi kundër shqiptarëve gjatë shek. XIX-XX”. Kumtesat do të mbahen nga studiues, të cilët do të shtjellojnë gjerësisht pikëpamjet dhe kërkimet e tyre shkencore në kuadër të tematikave të përgjithshme të përcaktuara nga Këshilli Organizues.
Konferenca do të mbahet me datë 8 prill 2022, dhe do t’i japë mundësinë studiuesve të kontribuojnë me kumtesat e tyre. Kumtesat e konferencës do të botohen në kuadrin e përmbledhjeve të punimeve të konferencës, të cilat do të përgatiten për botim më së largu deri në qershor të vitit 2023.
Këshilli Organizativ ka paraparë këto teza të përgjithshme:
- Aktet juridike ndërkombëtare mbi gjenocidin
- Projektet dhe elaboratet serbe kundër shqiptarëve gjatë shek. XIX dhe XX
- Dhuna, terrori dhe shpërngulja e dhunshme e shqiptarëve nga territoret verilindore të vilajetit të Kosovës, 1804-1878
- Presioni serb për asimilimin e shqiptarëve ortodoksë në Kosovë (1878-1912)
- Dhuna dhe terrori ndaj shqiptarëve në Kosovë dhe vise tjera shqiptare gjatë luftërave ballkanike (1912-1913) dhe Luftës së Parë Botërore, 1914-1918
- Shpërnguljet e shqiptarëve, Reforma Agrare dhe kolonizimi, 1918-1941
- Krimet, masakrat, burgosjet dhe pushkatimet kundër shqiptarëve nga komunistët jugosllavë dhe bullgarë, gjatë dhe në përfundim të Luftës së Dytë Botërore
- Proceset gjyqësore kundër shqiptarëve nga shpallja e Rezolutës së Informbyrosë (korrik 1948) deri në rënien e komunizmit dhe shpërnguljet për në Turqi
- Dhuna, terrori dhe burgosjet kundër shqiptarëve, gjatë viteve 1990-1997
- Vrasjet dhe masakrat gjatë luftës së vitit 1998/1999 në Kosovë dhe vise tjera shqiptare
- Shkatërrimi i institucioneve kulturore, shëndetësore, ekonomike, sociale, shkencore dhe arsimore të Kosovës
- Politika kishtare serbe kundrejt shqiptarëve në Kosovë
- Qëndrimi i politikes së sotme serbe ndaj fenomenit të gjenocidit dhe tiparet e saj në raport me këtë çështje
- Qëndrimi i Fuqive të Mëdha dhe i organizmave ndërkombëtar ndaj akteve të gjenocidit kundrejt shqiptarëve.
Studiuesit nga Maqedonia e Veriut, abstraktet mund t’i dërgojnë deri më datën 20 shkurt 2022, në adresën elektronike të ITShKSh-së: kontakt@itsh.edu.mk, kurse të tjerët në adresën e Institutit të Historisë-Prishtinë: institutihis@hotmail.com .
