Letër ngushëllimi për ndarjen nga jeta të prof.Mahmud Hysa

Letër ngushëllimi

Instituti i Trashëgimisë Shpirtërore e Kulturore të Shqiptarëve në Shkup, shprehë ngushëllimet më të sinqeta me rastin e ndarjes nga jeta të profesorit të njohur të letërsisë dhe bashkëpunëtorit të Institutit tonë, Prof.dr.Mahmud Hysa (1934-2016).

Veprimtaria e gjerë shkencore e prof.Hysës, përfshinë tekste të shumta dhe mbi 20 vepra shkencore nga sfera e albanologjisë. Ai dha një kontribut të madh edhe në procesin e mësimdhënies në Universitetin e Prishtinës dhe Universitetin e Tetovës.

Gjatë vitit 2014, Instituti jonë i botoi edhe njërën nga veprat e tij më të dashura – studimin monografik “Sait Nadeni – Hoxhë Voka – Hafiz Sherif Langu”. Gjatë vitit 2015 ishte fitues i Çmimit të lartë shtetëror në Republikën e Maqedonisë “11 Tetori”, në sferën e shkencës dhe kulturës, me propozim të ITSHKSH-së.

Me këtë rast, shprehim ngushëllime të sinqerta ndaj familjes së prof.Hysës, studentëve e kolegëve, dibranëve dhe gjithë atyre që e kanë njohur z.Hysën përmes jetës dhe veprës së tij.

Me nderime,

Shkup,                                                              Drejtori i ITSHKSH-së

18. 3. 2016                                                            Dr. Skender Asani