Drejtori i Ansamblit të Këngëve dhe Valleve të Shqipërisë, vizitë në ITSHKSH

Shkup, 26.11.2015 – Drejtori Artistik  i Ansamblit Popullor të Këngëve dhe Valleve pranë TKOBAP të Shqipërisë, Sulejman Baltëza, sot vizitoi Institutin e Trashëgimisë Shpirtërore e Kulturore të Shqiptarëve të Maqedonisë në Shkup, ku zhvilloi një takim të frytshëm me drejtorin e Institutit, Dr.Skender Asani.

Në fokusin e interesimeve të dyanshme, ishte ruajtja e trashëgimisë shpirtërore të shqiptarëve në të dyja anët e kufirit, e sidomos thesari i pasur i këngëve dhe valleve shqipe, të cilat u vlerësuan si vlera të jashtëzakonshme të cilat na identifikojnë si popull edhe në suaza ndërkombëtare.

Me këtë rast, u ra ujdi që të punohet mes dy institucioneve, në ruajtjen dhe kultivimin e kësaj trashëgimie të pasur kulturore e shpirtërore.