Pritje në ITSHKSH me rastin e Ditës së Alfabetit Shqip

ambasada1SHKUP – Me rastin e 104 vjetorit të Kongresit të Alfabetit shqip, dhe 5 vjetorit të themelimit të Institutit të Trashëgimisë Shpirtërore e Kulturore të Shqiptarëve – Shkup, sot (22 nëntor 2012), pritëm delegacione dhe personaliteteve të ndryshme, të cilët uruan për këtë festë të madhe kombëtare.

Fillimisht në zyrat e institutit ishte delegacioni i ambasadës së SHBA-ve në Shkup, i udhëheur nga këshilltari politik i kësaj ambasade, z.Spencer Fields. Ndërsa, më vonë edhe delegacioni i udhëhequr nga kryetari i komunës së Çairit, z. Izet Mexhiti, dhe kryetari i komunës së Studeniçanit, z.Fati Iseni.

Mysafirët u pritën nga drejtori i institutit, Dr.Shefqet Zekolli dhe të punësuarit e tjerë në këtë institucion shkencor.

Zyrtari i lartë amerikan uroi punëtorët e institutit dhe gjithë shqiptarët për festën e madhe të alfabetit shqip, e cila sot përkon edhe me festën amerikane të Falënderimeve. Z. Fields, duke theksuar raportet tejet miqësore që ka ambasada amerikane me ITSHKSH-në, u interesua për gjendjen në këtë institucion shkencor dhe uroi që edhe festat e flamurit të kalojnë në një atmosferë sa më dinjitoze.

kryetaretEdhe kreu i Çairit, z. Izet Mexhiti, dhe ai i Studeniçanit, z.Fati Iseni, uruan për festën e madhe të alfabetit shqip, duke inkurajuar punëtorët e institutit që të vazhdojnë me hulumtimin, studimin dhe zbardhjen e historisë, kulturës dhe traditës shqiptare në Maqedoni.

Dretori i ITSHKSH-së, Shefqet Zekolli falendëroi mysafirët për vizitën dhe i njoftoi për gjendjen dhe problemet me të cilat ballafaqohet ky institut, i cili gjithnjë e më tëpër është duke u konsoliduar në drejtim të arritjes së rezultateve më të mëdha.

Zekolli poashtu njoftoi mysafirët se dje është realizuar aksioni vullnetar “Një libër për Manastirin”, kurse kah mesi i dhjetorit do të promovohen disa tituj të rinj, botime të institutit, të cilat janë një arritje e re për kulturën dhe shkencën shqiptare në përgjithësi. /itshksh/

 

 

————————————————————————————————————————–

 

Shikoni gjithashtu

Drejtori i ITSHKSH Asani u prit nga kryetarja e Komisionit parlamentar për Arsim, Vasilevska

Bashkëpunimi ynë si ITSHKSH me Parlamentin e Maqedonisë së Veriut ka qenë pjesë e frymës …