600 tituj librash Muzeut të Alfabetit në Manastir

Bëhet fjalë për botime të institutit, por edhe libra të dhuruara nga shtëpia botuese “Logos-A”, shtëpia botuese “Shkupi”, shtëpia botuese “Vatra” dhe intelektualë të shumtë, deklaroi pas dorëzimit të librave drejtori i Institutit, Dr. Shefqet Zekolli

Manastir – Në kuadër të 104 vjetorit të alfabetit shqip dhe 100 vjetorit të pavarësisë së shtetit shqiptar, një delegacion i Institutit të Trashëgimisë Shpirtërore dhe Kulturore të Shqiptarëve në Maqedoni, i ka dorëzuar sot rreth 600 tituj librash Muzeut të Alfabetit Shqip në Manastir.

Bëhet fjalë për botime të institutit, por edhe libra të dhuruara nga shtëpia botuese “Logos-A”, shtëpia botuese “Shkupi”, shtëpia botuese “Vatra” dhe intelektualë të shumtë, deklaroi pas dorëzimit të librave drejtori i Institutit, Dr. Shefqet Zekolli.

Njëherësh, Zekolli theksoi se përpilimi i alfabetit shqip më 22 nëntor të vitit 1908, i ka paraprirë formimit të shtetit shqiptarë, sepse me bërjen e alfabetit të përbashkët u bë edhe unifikimi i shqiptarëve.

“Është edhe një obligim i jonë edhe kombëtar për të sjellë këtu dhe për të festuar një ditë tejet të rëndësishme, një ditë e cila i ka parapri pavarësisë së shtetit shqiptar, sepse ne vitin 1908, atëherë kur u bë konstituimi i alfabetit shqip, u bë unifikimi i shqiptarëve duke themeluar një alfabet i cili i ka rezistuar kohës në mënyrën më të mirë”, u shpreh Zekolli.

Nga instituti premtojnë se edhe në vitet në vijim do të ndihmojnë furnizimin e këtij muzeu me libra. Kjo gatishmëri për mbështetje dhe ndihmë u mirëprit nga drejtori i Muzeut të Alfabetit, Gazmend Hoxhaj.

http://www.mtv.com.mk/al/

 

 

———————————————————————————————————————————