Përkujtohet Dita e Mësuesit dhe 120 vjetori i vdekjes së Gjerasim Qiriazit

Sh.ZekolliManastir, 07.03.2014 – Sot nën organizimin e Institucionit Nacional “Muzeu i Gjuhës Shqipe” në Manastir, me rastin e 7 Marsit – Ditës së Mësuesit, me një tribunë shkencore u përkujtua 120 vjetori i vdekjes së mësuesit Gjerasim Qiriazi.

Fillimisht, drejtori i këtij muzeu, Gazmend Hoxhaj, duke ua uruar të gjithë mësuesve shqiptarë 7 Marsin, theksoi se sivjet për herë të parë në mënyrë institucionale shënohet kjo ditë e madhe në Manastir, si dhe përkujtohet njëri nga pishtarët e arsimit shqip, biri i Manastirit, Gjerasim Qiriazi.

Drejtori i Instituti i Trashëgimisë Shpirtërore e Kulturore të Shqiptarëve në Shkup, Shefqet Zekolli, shoqëruar nga disa bashkëpunëtorë shkencor të institutit, foli për rëndësinë e kësaj date të rëndësishme për historinë tonë kombëtare, duke theksuar kontributin e madh të familjes Qiriazi në ngritjen e arsimit shqip.

Punonjësja e “Muzeut të Gjuhës Shqipe” në Manastir, Mendushe Rushiti, lexoi kumtesën “Mësuesi i madh, Gjerasim Qiriazi”, duke referuar rreth jetës dhe veprës së këtij rilindësi të njohur.

Përmes këtyre aktivitete me rëndësi shkencore, kulturore dhe kombëtare, ITSHKSH vazhdon të jetë një përkrahëse besnike e “Muzeut të Gjuhës Shqipe” në Manastir, si një institucion i cili dita-ditës po vazhdon të afirmohet dhe konsolidohet, duke pasur parasysh peshën e madhe që ka Manastiri për shqiptarët në përgjithësi.

ITSHKSH të gjithë mësuesve shqiptarë ua uron Ditën e Arsimit, me shpresë që arsimi shqip të ecën përpara drejt zhvillimeve dhe sukseseve të reja.  /www.itsh.edu.mk/

 

—————————————————————————————–

Facebook Koment

Shikoni gjithashtu

U promovua libri “Trashëgimia kulturore islame në Shkup”

Shkup – 26.01.2022 – Sot, në mjediset e Institutit të Trashëgimisë Shpirtërore e Kulturore të …

Lini një Përgjigje