Letër ngushëllimi pas ndarjes nga jeta të akad.Kristo Frashëri

Drejtuar:
Familjes së akademik Kristo Frashëri
Akademisë së Shkencave të Shqipërisë në Tiranë
Ambasadës së R. së Shqipërisë në Shkup

Letër ngushëllimi 

Instituti i Trashëgimisë Shpirtërore e Kulturore të Shqiptarëve në Shkup, u shprehë ngushëllimet më të sinqeta me rastin e shkuarjes në amshim të historianit të madh, akademik Kristo Frashëri (1920-2016).

Veprimtaria e gjerë shkencore e prof.Frashërit, përfshinë shkrime e vepra të shumta, që zbardhin të vërtetat e Shqipërisë dhe shqiptarëve që nga periudhat më të hershme kohore e deri në ditët e sotit. Guximi i tij intelektual e shkencor në mbrojtje të së vërtetës historike, e nxiti që të publikojë edhe librin “E vërteta mbi Shqiptarët e Maqedonisë dhe shtrembërimet e Enciklopedisë së Shkupit” (Sh.B.”Dudaj”, 2010, Tiranë), si një nga veprat e rralla që në mënyrë argumentuese hodhi poshtë teoritë joshkencore të akademikëve maqedonas.

Prandaj, jo rastësisht vlerësohet se akademik Kristo Frashëri është një nga historianët më të mëdhenj shqiptarë në këto 100 vjetët e fundit.

Akademik Kristo Frashëri më nuk është fizikisht në mesin tonë, por vepra e tij do të rrojë përgjithmonë!

Me nderime,

Shkup,                                                    Drejtori i ITSHKSH-së
2. 2016                                                   Dr. Skender Asani