Drejtori Zekolli, vizitë në Akademinë e Shkencave dhe e Arteve të Kosovës

photo-1Drejtori i Institutit të Trashëgimisë Shpirtërore dhe Kulturore të Shqiptarëve-Shkup, Dr. Shefqet Zekolli, qëndroi në një vizitë në Akademinë e Shkencave dhe e Arteve të Kosovës, ku u prit nga kryetari i kësaj akademie, Hivzi Islami dhe akademikët: Besim Bokshi, Ali Aliu dhe Jusuf Bajraktari.

Përfaqësuesit e ASHAK, Institutit të Trashëgimisë Shpirtërore dhe Kulturore të Shqiptarëve-Shkup i dhuruan të gjithë titujt e botuar dhe u zotuan se kjo praktikë do të vazhdojë edhe në të ardhmen. Bëhet fjalë për vepra të rëndësishme nga fusha të ndryshme shkencore, kryesisht nga albanologjia, të cilat do ta begatojnë në mënyrë sasiore, por mbi te gjitha cilësore bibliotekën e ITSHKSH-së në Shkup.

Në takimin me drejtuesit e ASHAK dhe drejtorit të ITSHKSH-së u bisedua dhe u arrit pajtim që bashkëpunimi ndërinstitucional të vazhdojë edhe në të ardhmen jo vetëm në fushën e botimeve, por edhe fusha tjera.

Drejtori i ITSHKSH-së, Shefqet Zekolli u zotua se bashkëpunimi me ASHAK do të thellohet, ngjashëm si me Institutin Albanologjik të Kosovës dhe Institutin e Historisë në Prishtinë, me të cilat institucione është vendosur dhe vazhdimisht rimëkëmbet bashkëpunim i frytshëm në fushën e botimeve, organizimin e seminareve, tryezave te rrumbullakëta, konferencave apo simpoziumeve shkencore dhe në këmbimin e përvojave profesionale-shkencore dhe institucionale mbi hulumtime të ndryshme.

ITSHKSH mbetet e hapur për bashkëpunim me të gjitha institucionet arsimore e shkencore në Maqedoni, Kosovë, Shqipëri dhe mbarë hapësirën akademike shqiptare.   

 

 03.09.2013, Shkup                          Shërbimi për informim i ITSHKSH

———————————————————————-

Facebook Koment

Shikoni gjithashtu

U promovua libri “Trashëgimia kulturore islame në Shkup”

Shkup – 26.01.2022 – Sot, në mjediset e Institutit të Trashëgimisë Shpirtërore e Kulturore të …

Lini një Përgjigje