Ministria e Kulturës nuk mbështet projektet e ITSHKSH-së për 100 vjetorin e pavarësisë

Në letrën e Ministrisë së Kulturës, drejtuar Institutit për trashëgimi shpirtërore dhe kulturore të shqiptarëve si arsyetim qëndron: “Për arsye se mjetet buxhetore për realizimin e programit vjetor për zbatimin e interesit kombëtar në kulturë për vitin 2012 janë shpërndarë tani më në bazë të procedurës të parashikuar me ligj, Ju njoftojmë se nuk jemi në gjendje ta mbështesim financiarisht manifestimin e përvjetorit të “100 vjetorit të flamurit shqiptar”

-Shkup, 18 qershor 2012 – Ministria e Kulturës nuk do të japë as edhe një denarë për manifestimin e 100 vjetorit të flamurit shqiptar. Ndonëse parlamenti në muajin mars miratoi Programin për shënimin e përvjetorëve dhe personaliteteve të rëndësishme për vitin 2012, ku bënte pjesë edhe shënimi me një akademi solemne të 100 vjetorit të flamurit shqiptar nga Instituti për trashëgimi kulturore të shqiptarëve, Ministria e Kulturës në vendimin e saj të sjellë pak ditë më parë ka refuzuar të mbështesë financiarisht këtë manifestim.

Respektivisht, në letrën e Ministrisë së Kulturës, drejtuar Institutit për trashëgimi shpirtërore dhe kulturore të shqiptarëve si arsyetim qëndron: “Për arsye se mjetet buxhetore për realizimin e programit vjetor për zbatimin e interesit kombëtar në kulturë për vitin 2012 janë shpërndarë tani më në bazë të procedurës të parashikuar me ligj, Ju njoftojmë se nuk jemi në gjendje ta mbështesim financiarisht manifestimin e përvjetorit të “100 vjetorit të flamurit shqiptar”.

Çështja e ndarjes së mjeteve për këtë përvjetor edhe më parë pati shkaktuar përplasje në opinion.

Drejtori i Institutit për trashëgimi kulturore Shefqet Zekolli kishte reaguar rreth informatave që qarkullonin në media në atë kohë se për këtë manifestimin e flamurit ishin ndarë vetëm 5000 euro. Respektivisht ai shprehej se kjo shumë ishte e papërfillshme pasi nuk mbulonte as 10 për qind të aktiviteteve që ka parashikuar ky institucion për festimin e flamurit.  “Ne nuk kemi kërkuar 5000 euro, neve askush nuk na ka ofruar 5 mijë euro dhe unë jam i bindur se në bazë të projekteve që do ti prezantojmë shuma do të jetë shumë më e madhe. Ne deri te Këshilli për festimin e 100 vjetorit kemi paraparë disa manifestime dhe të gjitha bëjnë një shumë më të madhe se 5000 mijë euro”, tha Shefqet Zekolli, Drejtor i Institutit për trashëgimi shpirtërore dhe kulturore të shqiptarëve më (28.03.2012).

Pati reaguar edhe deputeti i BDI-së Talat Xhaferi, se nuk ishte punë e ligjvënësit të vendoste për konstruktin financiar të këtij manifestimi, por Këshilli për manifestimin e 100 vjetorit. “Informata dhe dezinformata prej ku e ka marrë drejtori është çështje e përgjegjësisë së tij dhe ai duhet të dijë nga ka dalë ajo informatë, është burim i tij apo konstatim i mediumeve”, tha Talat Xhaferi, deputet i BDI-së më (28.03.2012). Por tani rezulton se instituti nuk do të marrë asnjë denarë për këtë manifestim.

Përse nuk mbështetet financimi i tij që duket qartë në vendimin e Ministrisë Kulturës së siguruar nga Alsat dhe kush duhet të mbaje përgjegjësi për mosrespektimin e vendimit të Parlamentit për këtë anashkalim që u bëhet shënimit të datave të rëndësishme për popullin shqiptar, mbetet pa përgjigje.

–Bislimi: ‘Instituti të kërkojë mjete në Ministrinë e Arsimit’

Ndërkohë, në një reagim me shkrim të Sekretarit Shtetëror në Ministrinë e Kulturës, Muzafer Bislimi thuhet se përgjigja e Ministrisë së Kulturës dhënë ITSHKSH ka të bëjë vetëm me projektin konkret me të cilin Instituti ka konkuruar në Ministrinë e Kulturës dhe jo me organizimet për shënimin e 100 vjetorit të Ditës së Flamurit. Instituti nuk ka konkuruar në konkursin e shpallur nga Ministria e Kulturës dhe rrjedhimisht ky projekt konkret nuk mund të mbulohet me mjete nga Ministria e Kulturës. Instituti, funksionon në kuadër të Ministrisë së Arsimit, dhe kjo është ministria ku instituti duhet të kërkojë të përfshihet në programin vjetor ose të konkurojë me projekt në Parlament. Nga ministria e Kultures thone se mbeshtesin të gjitha aktivitetet e perfshira në planin vjetor, përfshirë edhe aktivitetet që i perkasin etnitetit shqiptar dhe 100 vjetorit te Flamurit, por Instituti i me projekt të tillë asnjëherë nuk ka konkuruar në Ministrinë e Kulturës, për atë edhe nuk ka hyrë ne Programin Vjetor’, thuhet në reagim. /alsat-m/

 

 

………………………………………………………………………………………………………………………………………………………