Manastir, tribunë shkencore për Sami Frashërin

Tribunë shkencore  me temë “Rëndësia e Sami Frashërit në zhvillimin e alfabetit shqip, gjuhës dhe letërsisë shqiptare si dhe zhvillimin e vetëdijesimin e shqiptarëve”

MuzeuInstituti i Trashëgimisë Kulturore dhe Shpirtërore të Shqiptarëve-Shkup në bashkëpunim me Muzeun e Manastirit dhe Instituin Albanologjik në Prishtinë, ditë më parë, në Qendrën për Kulturë në Manastir, organizuan tribunën shkencore “Rëndësia e Sami Frashërit në zhvillimin e alfabetit shqip, gjuhës dhe letërsisë shqiptare si dhe zhvillimin e vetëdijesimin e shqiptarëve”, ku u trajtuan tema lidhur me kontributin historik, gjuhësor dhe letrar të këtij rilindësi. Kjo tribunë u realizua në kuadër të bashkëpunimit midis ITSHKSH-së dhe Muzeut të Manastirit, ndërsa u vendos që në të ardhmen dy institucionet të bashkëpunojnë lidhur me botimin e një reviste të Muzeut.

Nga ITSHKSH lidhur me figurën madhështore të Sami Frashërit referuan punonjësit shkencorë të ITSHKSH-Shkup: Skender Hasani, Shefqet Zekolli dhe Zeqirja Ibrahimi, ndërsa nga Katedra e Gjuhës dhe Letërsisë Shqiptare në Shkup referoi Avzi Mustafa.

Konferencën me kumtesën e tij shkencore e nderoi edhe drejtori i Institutit Albanologjik në Prishtinë, Hysen Matoshi. Ndërsa nga Muzeu i Manastirit mbi kontributin e madh të Sami Frashërit foli edhe Mendushe Ajdini, profesoreshë e gjuhës dhe letërsisë shqiptare. /www.itsh.edu.mk/

—————————————————————————————————

Shikoni gjithashtu

NGA E SHKUARA TEK E ARDHMJA, DUHET TË KALOJË KULTURA INSTITUCIONALE E KUJTESËS

(Me rastin e shënimit të 25-vjetorit të Eksodit të Bllacës në Qendrën përkujtimore “Bllaca 99”) …