NXËNËS NGA GOSTIVARI E VIZITOJNË INSTITUTIN PËR TË MËSUAR PËR HISTORINË DHE KULTURËN SHQIPTARE

Sot, me datë 27 shtator, Institutin e Trashëgimisë Shpirtërore e Kulturore të Shqiptarëve e vizituan një grup nxënësish nga Shkolla Fillore “Faik Konica” e fshatit Debresh të Gostivarit. Të udhëhequr nga profesori i historisë, Lulëzim Farizi, dhe mësimdhënës të tjerë të kësaj shkolle, ata kishin mundësi të njiheshin me punën e Institutit dhe njëkohësisht edhe të mësonin më tepër rreth kulturës dhe historisë së shqiptarëve.

Vizita e tyre filloi nga kati i parë i objektit të ITSHKSH-së, ku ndodhet ekspozita mbi jetën dhe veprimtarinë e Nënë Terezës, më pas vazhdoi në korrdioret e ekspozitës së përhershme për Kongresin e Alfabetit, ndërsa përfundoi në sallën “Woodrow Wilson” ku rreth gjuhësisë, historisë dhe arkeologjisë elaboruan dhe dy hulumtuesit shkencorë të Institutit, Zeqirija Ibrahimi dhe Sali Islami.

ITSHKSH, si një djep i kulturës, është i hapur gjithnjë që ta mbështesë arsimin e nxënësve të vendit tonë me informacione të dobishme, në mënyrë që të kontribuojë për një botëkuptim më të pasur të brezave të rinj lidhur me origjinën dhe vlerat e kombit të tyre.

 

Shikoni gjithashtu

NË ITSHKSH U MBAJT KONFERENCA SHKENCORE NDËRKOMBËTARE ME TEMË “FENOMENI I MIGRIMIT NË RAJONIN E BALLKANIT”

Shkup, 25 tetor 2023 – Në Institutin e Trashëgimisë Shpirtërore dhe Kulturore të Shqiptarëve – Shkup, …