Në Prishtinë u mbajt konferenca shkencore për 25-vjetorin e çlirimit të Kosovës 

Prishtinë – Më 13 dhe 14 qershor, në Prishtinë i zhvilloi punimet konferenca shkencore: “Kosova 1989-1999: Organizimi dhe qëndresa për çlirim”. Kjo konferencë ishte një organizim i përbashkët i Institutit të Historisë ‘Ali Hadri’ të Prishtinës dhe Institutit të Trashëgimisë Shpirtërore e Kulturore të Shqiptarëve në Shkup.me Itshksh Shkup, me rastin e 25-vjetorit të lirisë së Kosovës.

Në hapje të konferencës, fjalë përshëndetëse patën drejtuesit e dy institueve respektive, Teuta Shala-Peli dhe Skender Asani. Ata theksuan rëndësinë e organizimit të kësaj konference, përmes së cilës do të dalin në pah aspekte të ndryshme të përpjekjeve të shqiptarëve për çlirimin e Kosovës, veçanërisht gjatë periudhës së viteve 1989-1999.

Në mesin e gjithsej 42 studiuesve nga Prishtina, Shkupi dhe Tirana, referuan edhe studiuesit e ITShKSh-së. Kështu me temat e tyre që përkonin kryesisht me kontributin e shqiptarëve të Maqedonisë për luftën e Kosovës u paraqitën studiuesit: Skender Asani, Besnik Rameti, Isamet Bakiu, Minir Ademi dhe Ali Sadiku.