Ministri i Kulturës, Asaf Ademi, e vizitoi ITSHKSH-në

Shkup, 24.8.2018 – Sot në Institutin e Trashëgimisë Shpirtërore e Kulturore të Shqiptarëve ka qëndruar për vizitë ministri i Kulturës së Republikës së Maqedonisë, Asaf Ademi, i cili është pritur nga drejtori i Institutit, Dr. Skënder Asani.

Me këtë rast ministri Ademi e ka vlerësuar lart punën e Institutit të Trashëgimisë Shpirtërore e Kulturore të Shqiptarëve, ndërsa ka shfaqur interesim edhe për problemet me të cilat përballet ky institut, për projektet që janë në vijim, si dhe për mundësitë që Ministria e Kulturës edhe në të ardhmen t’i mbështesë projektet e Institutit.

Nga tjetër, drejtori Asani e ka falënderuar ministrin për vizitën, e ka njoftuar me punën e deritanishme të Institutit dhe ka shprehur gatishmërinë që Instituti ta rrisë vëllimin dhe cilësinë e punëve, kjo varësisht edhe nga mbështetja që mund të vijë. Të dy drejtuesit u ndanë nga takimi me premtimin se takimet e këtilla do të vazhdojnë edhe në të ardhmen, për ta fuqizuar dhe thelluar kështu bashkëpunimin në interes të mbrojtjes dhe kultivimit të trashëgimisë kulturore të shqiptarëve në Maqedoni.

 

Facebook Koment

Shikoni gjithashtu

Drejtori Asani: Na pret bashkëpunim i frytshëm me Bashkësinë Islame

Shkup, 23 janar 2023 – Sot, drejtori i Institutit të Trashëgimisë Shpirtërore e Kulturore të …