Hapen studime pasdiplomike në ITSHKSH

Programet studimore që i ofron ITKSHSH janë dyvjeçare sipas sistemit të kredive ECTS edhe atë në drejtimet: Gjuhë Shqipe, Letërsi Shqipe dhe Histori dhe Marrëdhënie Ndërkombëtare

Në qershor për herë të parë do të fillojë regjistrimi i studentëve në studimet pasdiplomike në Institutin e Trashëgimisë Shpirtërore dhe Kulturore të Shqiptarëve (ITSHKSH). Këshilli për Akreditimin e Institucioneve të Arsimit të Lartë mori vendim për akreditimin e tri programeve studimore që i ofron Instituti i ITSHKSH-së.

Programet studimore që i ofron ITKSHSH janë dyvjeçare sipas sistemit të kredive ECTS edhe atë në drejtimet: Gjuhë Shqipe, Letërsi Shqipe dhe Histori dhe Marrëdhënie Ndërkombëtare. “Programi studimor i gjuhës shqipe ka për qëllim të studiojë gjuhën shqipe në boshtin sinkronik dhe diakronik.

Në këtë program studimor do të studiohet linguistika shqiptare me shtyllat e saj kryesore, por edhe fushat e tjera si: onomastika, dialelektologjia, historia e gjuhë shqipe etj. Programi studimor i letërsisë do të ofrojnë spektër të gjerë të studimit të letërsisë shqiptare dhe raportit të saj me fazat e ndryshme të zhvillimit historik. Fokusi do të vendoset mbi letërsinë e vjetër shqiptare, letërsinë e romantizmit, realizmit, letërsinë e modernizmit dhe postmodernizmit”, thuhet në njoftimin e ITSHKSH-së.

ITSHKSH ka përzgjedhur që mësimdhënës në tri programet studimore të jenë profesorë të njohur shqiptarë, hulumtues me përvojë të dëshmuar shkencore.