U promovua puna ITShKSh-së për vitin 2021

Shkup, 2.3.2022 – Instituti i Trashëgimisë Shpirtërore e Kulturore të Shqiptarëve në Shkup, sot në përvjetorin e Besëlidhjes Shqiptare të Lezhës, bëri promovimin e veprimtarisë hulumtuese – shkencore dhe botuese të vitit 2021.

Drejtori i Institutit, Skender Asani, tha se në këtë ditë të shënuar të historisë sonë kombëtare, po e rrumbullakojmë punën tonë gjatë vitit kalendarik 2021, e cila isht e mbushur me plot aktivitete me interes shkencor, kulturor dhe shoqëror. “Nuk është krejt e rastësishtme se pse pikërusht ditën e sotme e zgjodhëm për këtë promovim. Parasegjithash, deshtëm ta vendsim një parlele në mes të bëmave të Skenderbeut dhe Besëlidhjes së Lezhës me disa zhvillime aktuale që po ndodhin! Nëse Skënderbeu me heriozmin dhe rezistencën e tij bashkoi principiat shqiptare por edhe Evropën e përçarë dhe u bë mur i gjallë për ruajtjen e vlerave evropiane në këto hapësira, të njejtën gjë po e bën aktualisht presidenti i Ukrainës Zelenski, i cili gjithashtu me qëndrimin e tij stoik në rezistencën antiruse, po e bashkon Perëndimin, i cili deri dje ishte jo unik për çështje vitale që kanë të bëjnë me sigurinë dhe vizionin e kontinetit tonë”. Sipas Asanit, ITShKSh vazhdon t’i anticipojë vlerat Perendimore që duhet të bëhen kod civilizues i shoqërisë sonë. Prandaj ne pikërisht sot shpalosëm disa të arritura tona që ishin vulë e përcaktimit tonë shkencor e cilivilizues, siç mund të shihet në disa tituj që botuam, si dhe në disa aktivitete e projekte, siç ishte Java kushtuar arbëreshëve të Italisë, ose Viti i Hasan Prishtinës, ngjarje këto që, përpos që freskojnë memrorjen tonë kultuore, janë edhe pika orientuese  mbi të ardhmen nga duhet të ecim si komb dhe si shoqëri.

Ministri i Arsimit dhe Shkencës, Jeton Shaqiri, duke uruar Institutin për punën e madhe përkushtimore që ka bërë dhe po bën në drejtim të ruajtjes së trashëgimisë shpirtërore e kulturore të shqiptarëve, siguroi për mbështjetje të vazhdueshme institucionale. Sipas tij, MASH ka shtuar interesimin për punën e instituteve shkencore, të cilat meritojnë të përkrahen edhe më denjësisht në punën e tyre.

Fjalë përshëndetëse pati drejtori i Agjencisë për Zbatimin e Gjuhës Shqipe, Ylber Sela si dhe aktivisti dhe hulumtuesi shkencor Mehmet Prishtina, stërnip i Hasan Prishtinës.

Sekretari shkencor i Institutit, Sefer Tahiri, paraqiti një referat të zgjeruar për të gjitha aktivitetet hulumtuese-shkencore dhe botuese të ITShKSh-së gjatë vitit 2021.

Shikoni gjithashtu

NGA E SHKUARA TEK E ARDHMJA, DUHET TË KALOJË KULTURA INSTITUCIONALE E KUJTESËS

(Me rastin e shënimit të 25-vjetorit të Eksodit të Bllacës në Qendrën përkujtimore “Bllaca 99”) …