Tribuna shkencore “Letërsia shqipe dhe shkolla”

111Shkup, 12.12.2013 – Sot Instituti i Trashëgimisë Shpirtërore e Kulturore të Shqiptarëve në Shkup, organizoi tribunën shkencore me temë: “Letërsia shqipe dhe shkolla”, ku referuan njohës të mirë të këtij lëmi nga ITSHKSH, USHT, UEJL, Universiteti i Shkupit, etj.

Tribunën e shpalli të hapur drejtori i ITSHKSH-së, Dr. Shefqet Zekolli, i cili theksoi se zhvillimi i letërsisë shqiptare, sikurse edhe zhvillimi i shkollës shqipe, kanë kaluar nëpër periudha të rënda kohore, të cilat kanë bartur pasojat e tyre deri në ditët e sotme. Sipas tij, letësia shqipe shpeshherë ka pësuar goditje të rënda, jo vetëm se nga dogmat ideologjike të kohës, por edhe nga pakujdesia apo papërgatitja e duhur e kuadrove të cilat ligjerojnë letërsinë nëpër shkollat tona.

Më pas me referate shkencore u paraqitën studiuesit: Prof.dr. Zeqirja Neziri (“Shkenca e letёrsisё, programet dhe librat shkollor tё letёrsisё shqip(tar)e”); Dr. Fatmir Sulejmani (“Si mësohet letërsia në shkollë?”); Prof.dr. Agim Leka (“Ligjërimi dhe mësimi i letërsisë në shkolla”); Prof.dr. Vebi Bexheti (“Letërsia e munguar shqipe dhe kthimi i saj në shkollat tona”); Dr. Shefqet Zekolli (“Vlerat edukative të letërsisë shqipe për fëmijë”); Prof.dr. Avzi Mustafa (“Mbi disa probleme të mësimit të teorisë së letërsisë dhe stilistikës gjuhësore në shkollë”); Prof.dr. Izaim Murtezani (“Pozita e letërsisë gojore në tekstet mësimore (gjendja dhe perspektiva”); Prof.dr. Qemal Murati (“Letërsia shqiptare dhe gjuha e tekstit shkollor”); Dr. Salajdin Salihu (“Shkolla shqipe dhe autoret e ekskomunikuar”); Dr. Zeqirja Ibrahimi (“Letërsia shqipe ne shkolla dhe ideologjia”); Dr. Lulzim Murtezani (“Rëndësia psikologjike e letërsisë: roli i saj në plotësimin e motivit te kuriozitetit të fëmijës”); dhe Dr. Sefer Tahiri (“Rinia shkollore midis letërsisë dhe mediave masive”).

Për të përcjellë këtë tribunë shkencore, ishin të pranishëm edhe shumë arsimtarë të gjuhës e letërsisë shjqipe, për të cilët këto ligjerata ishin të mirëpritura, me shpresë se do të ndikojnë në përmirësimin e imazhit të letërsisë shqipe në shkollat tona.

Të gjitha kumtesat e prezantuara në këtë konferencë shkencore, pritet të botohen nga ana e organizatorit. /www.itsh.edu.mk/

222

333

Facebook Koment

Shikoni gjithashtu

Drejtori Asani: Na pret bashkëpunim i frytshëm me Bashkësinë Islame

Shkup, 23 janar 2023 – Sot, drejtori i Institutit të Trashëgimisë Shpirtërore e Kulturore të …

Lini një Përgjigje