Telegram urimi drejtuar USHT-së, në 20 vjetorin e themelimit

DREJTUAR:
Universitetit Shtetëror të Tetovës,
Rektorit Prof.Dr. Vullnet Ahmeti

TELEGRAM URIMI

I nderuari rektor dhe të nderuar kolegë nga Universiteti Shtetëror i Tetovës.
Më paraqet kënaqësi të veçantë që në këtë 20 vjetor të punës së suksesshme të Universitetit Shtetëror të Tetovës, t’ju përcjell urimet më të sinqerta në emrin tim dhe të punëtorëve të Institutit të Trashëgimisë Shpirtërore e Kulturore të Shqiptarëve në Shkup.
Universiteti Shtetëror i Tetovës u lind dhe u rrit me gjenerata studentësh e profesorësh të cilët bartin me vete një ind të shëndoshë kombëtar, duke u bërë ballë të gjitha sfidave të kohës në këto 20 vjet turbulente.
Tani, USHT-ja paraqet një model të suksesshëm konsolidimi të mirëfilltë arsimor, shkencor dhe profesional të shqiptarëve në Republikën e Maqedonisë, duke hapëruar drejt shtigjeve të reja të dijes dhe zhvillimit.
Urojmë që në këtë jubile të rëndësishëm të shënimit të 20 vjetorit të themelimit, t’i gëzohemi të gjithë bashkërisht arritjeve dhe sukseseve, dhe të përgatitemi për sfidat e reja që na presin.

                                       Miqësisht,

Shkup,                                                    Dr. SKENDER ASANI
16.12.2014                                                Drejtor i ITSHKSH