ITSH Instituti i Trashëgimisë Shpirtërore e Kulturore të Shqiptarëve – Shkup
Sot në Institutin Albanologjik të Prishtinës në kuadër të Panairit të botimeve albanologjike, promovuam një libër të rëndësishëm – “ SHKUPI, VETË HISTORIA E KOSOVËS”, botuar nga ITSHKSH. Libri është ndërtuar mbi një faktografi të mbledhur nga terreni që lajtmotiv ka historinë e trevave verilindore ( Shkupin dhe Kosovën ).
Autoktonia e pandërprerë e shqiptarëve në qytetin e Shkupit dhe në trevat verilindore vjen përmes një dëshmie konkrete nga ministri i Punëve të Italisë z.A.Stranieri dhe konzulli i Italisë në qytetin e Shkupit, Giani , të cilët uhtruan detyra diplomatike para dhe gjatë Luftës së Dytë Botërore.
Me këtë botim, ITSHKSH po e përforcon bindjen se puna hulumtuese-shkencore është pjesë e pandarë e veprimtarisë botuese dhe këto dy aspekte do të ndiqen paralel gjatë periudhës pasuese.
Është një rast i mirë që botimet tona të kenë një qasje në një treg edhe më të gjerë, andaj Panairi i botimeve albanologjike që po mbahet këto ditë në Prishtinë, është një nxitje e re që puna jonë të ketë impakt edhe në hapësirat tjera akademike.
Prishtinë, 05. tetor 2022
