Promovohen tri vepra për Qiriazët e Manastirit

Në Institutin e Trashëgimisë Shpirtërore e Kulturore të Shqiptarëve-Shkup, me rastin e 9 vjetorit të Institutit, 108 vjetorit të Kongresit të Manastirit dhe 200 vjetorit të protestanizmit tek shqiptarët, Instituti i Trashëgimisë Shpirtërore dhe Kulturore të Shqiptarëve në Shkup në bashkëpunim me Institutin e studimeve protestante dhe shqiptare, botoi tre vepra të rëndësishme:

–Gjerasimi : predikues, iluminist, rilindës të autorit Xhon Kuandrud.

-Pengu i kaçakëve të autorit Gjerasim Qiriazi dhe

-Jeta ime të autores Sevasti Qiriazi – Dako

Në fjalën e tij drejtori i ITSHKSH-së, Skender Hasani në fjalën e tij u shpreh se “Promovimi i këtyre veprave nuk është promovim i zakonshëm librash, por është një histori e arsimit shqiptar dhe i Rilindjes Kombëtare, duke filluar me hapjen e Shkollës së vashave, para 125 viteve dhe Kongresin e Manastirit, e sidomos në periudhat më të rëndësishme për popullin shqiptar dhe zbardhjen e të vërtetës mbi gjenocidin ndaj shqiptarëve nga fqinjët, serbët dhe grekët dhe sidomos në Konferencën e Versajës, në të cilën Sevasti Qiriazi ishte promotore e ndërlidhjes së çështjes shqiptare dhe Shteteve të Bashkuara të Amerikës”.

Të pranishmëve iu drejtua edhe drejtori i Institutit të Studimeve Shqiptare dhe Protestante në Tiranë, David Hosoflok dhe ambasadori i Republikës së Shqipërisë në Shkup, Fatos Reka.

Në pjesën e dytë bibliotekave të institucioneve arsimore e institucioneve tjera në Maqedoni dhe shkollave të mesme në Maqedoni iu dhuruan veprat e botuara.

Me presezencën e tij, këtë promovim e madhështoi edhe prezenca e ambasadorit amerikan në Shkup, z.Xhes Bejli.