Para gjimnazistëve të Tetovës, promovohet trashëgimia kulturore

Tetovë, 20.04.2015 – Sot në Gjimnazin e Tetovës, para gjimnazistëve u zhvillua punëtoria “Promovimi i trashëgimisë kulturore të shqiptarëve para të rinjve”.

Udhëheqësi i projektit, Dr. Sefer Tahiri, theksoi rëndësinë e njohjes së rinisë tonë me pjesë shumë të rëndësishme të trashëgimisë tonë kulturore e shpirtërore, të cilat dita – ditës po humbin gjurmë. Andaj, është e rëndësishme që të rinjtë tanë të njihen me këto lëmi, me të cilat mbase dikush nga nxënësit e tanishëm, në të ardhmen do të merret në mënyrë profesionale-shkencore.

Më pastaj para gjimnazistëve të vitit të katërt, u zhvilluan këto tema:

– “TRASHËGIMIA FAMILJARE DHE RUAJTJA E SAJ” nga Mr. Besnik Emini;

– “SHTYPI SHQIPTAR NË MAQEDONI, SI TRASHËGIMI KULTURORE” nga Dr. Sevdail Demiri;

– “GJUHA DHE LETËRSIA SHQIPE, PJESË E RËNDËSISHME E TRASHËGIMISË KULTURORE DHE IDENTITETIT TË SHQIPTARËVE” nga Dr. Zeqirja Ibrahimi;

– “LOJËRAT POPULLORE” nga Dr. Bukurije Mustafa;

– “KARNEVALI I BOZOVCËS” nga Prof.dr. Izaim Murtezani, dhe

– “RËNDËSIA E EMRAVE VETJAKË” nga Dr. Hidajete Azizi.

Po ashtu u shfaq edhe filmi dokumentar-“NJË JETË NË IKJE” (ZEJET NË MAQEDONI).

Gjatë këtij prezantimi, mjaft interesim treguan edhe nxënësit me pyetje-përgjigjet dhe komentet e tyre reth temave të shtjelluara. /www.itsh.edu.mk/