Letër falënderimi ambasadorit Uolers

Ambasadori Uolers ne nje aktivitet ne ITSHKSH

LETËR FALËNDERIMI

Drejtuar ambasadorit amerikan në Shkup, në mbarim të mandatit, z. Pol Uolers:

 

Shkëlqesia Juaj, z. Ambasador Uolers.

Më lejoni që në fillim, t’ua urojmë Vitin e Ri 2015, me dëshirën që sukseset në punë, shëndeti i mirë dhe harmonia familjare, t’Ju përcjellin gjatë gjithë jetës.

Përmes kësaj letre, ne punëtorët e Institutit të Trashëgimisë Shpirtërore e Kulturore të Shqiptarëve në Shkup, dëshirojmë të shprehim nderimin dhe respektin ndaj Jush, për gjithë punën dhe angazhimin serioz në shumë çështje të rëndësishme në jetën politike, ekonomike, sociale e kulturore në Republikën e Maqedonisë, ku po e përfundoni mandatin e ambasadorit të shtetit mik amerikan. Në veçanti, dëshirojmë t’Ju falënderojmë shumë sinqerisht për mbështetjen e madhe dhe kujdesin që keni treguar ndaj Institutit tonë, i cili me shumë zell e përkushtim po punon në ambientet e ish-ambasadës amerikane në Shkup. Vizitat e juaja të shpeshta në Institutin tonë, në festa e konferenca shkencore, bashkë me këshilltarët tuaj të vyeshëm, z. Adrian Ismaili, z. Spencer Fields, e të tjerë, do të kujtohen prore nga të gjithë ne, si një shembull i shkëlqyeshëm i bashkëpunimit me institucione të tilla të rëndësishme dhe serioze. Vizita studimore e punëtorëve tonë shkencor në SHBA, ishte pikërisht fryt i angazhimit Tuaj dhe stafit Tuaj, për konsolidimin dhe përvojat tona të duhura në hapërimet shkencore.

Meqë këto ditë po e mbaroni mandatin e ambasadorit në vendin tonë, shfrytëzojmë rastin që t’Ju urojmë mbarësi dhe suksese në angazhimet tuaja të reja në kuadër të diplomacisë amerikane, duke ju siguruar se dyert tona në Shkup gjithmonë do të jenë të hapura për Ju si miq të vërtetë.

Përshëndetje të përzemërta…

Shkup,                                                                   Drejtori,

14.01.2015                                                            Dr. Skender Asani

 

 

Facebook Koment

Shikoni gjithashtu

Drejtori Asani: Na pret bashkëpunim i frytshëm me Bashkësinë Islame

Shkup, 23 janar 2023 – Sot, drejtori i Institutit të Trashëgimisë Shpirtërore e Kulturore të …

Lini një Përgjigje