ITSH Instituti i Trashëgimisë Shpirtërore e Kulturore të Shqiptarëve – Shkup
Shkup, 27.2.2020 – Sot, Instituti i Trashëgimisë Shpirtërore dhe Kulturore të Shqiptarëve, Agjencisë së Zbatimit të Gjuhës së RMV-së i dhuroi një numër të konsiderueshëm librash e revistash, kryesisht të fushës së studimit të gjuhës shqipe.
Botimet e këtij institucioni shkencor e kulturor i solli drejtori i tij, Skender Asani me disa nga bashkëpunëtorët e tij të ngushtë.
Me këtë rast, drejtori i Agjencisë për Zbatimin e Gjuhës të RMV-së , Ylber Sela, e falënderoi homologun e tij për këtë ndihmesë të çmuar me të cilën pasurohet biblioteka e institucionit që e udhëheq dhe njëkohësisht shkëmbyen edhe mendime e ide lidhur me bashkëpunimin ndërmjet këtyre dy institucioneve.
