ITSHKSH dhe Noygues, vizitë në Dibër

securedownload-1Dibër, 18.09.2013 – Studiuesja franceze, Evelyn Noygues, e shoqëruar nga drejtori i ITSHKSH-së, Shefqet Zekolli dhe studiues të këtij instituti, sot vizituan komunën e Dibrës, ku u pritën nga kryetari i komunës Ruzhdi Lata dhe stafi i tij.

Noygues mbajti edhe një ligjeratë për figurën markante të rilindasit JasharErebara.
Delegacioni vizitoi edhe shtëpinë e Erebarajve në Dibër dhe u takua me dibranë të cilët kishin kujtime të paharruara për Erebarajt.

 

securedownloadVizita e albanologes Evelin në Maqedoni, të enjten vazhdon në Kumanovë, ku në ora 16.30, në ish-komitetin komunal do të mbajë një ligjeratë për historikun e “Klubit Shqiptar të Kumanovës 1909”. Ndërsa, në ditën e fundit të vizitës, të premten në sallën e ITSHKSH-së në Shkup, prej ora 11.00 do të promovojë libri i studiueses Bukurije Mustafa rreth tipareve gjuhësore të gazetës ‘Shkupi’. /www.itsh.edu.mk/

 

……………………………………………

Evelyn Noygues në USHT:  “Jashar Erebara (1875-1953), itinerari i një atdhetari pak të njohur”

E11Shkup/Tetovë, 17.09.2013 – Studiuesja franceze e albanologjisë, Evelyn Noygues nga Instituti Nacional i Gjuhëve dhe Civilizimeve Orientale në Paris, sot mbajti një ligjëratë në Universitetin Shtetëror të Tetovës, duke zgjuar një interesim të madh nga stafi akademik dhe studentët e degës së historisë së këtij universiteti.

Fillimisht, shefi i katedrës së historisë në USHT, Prof.dr.Qerim Dalipi, theksoi rëndësinë e bashkëpunimit mes USHT-së dhe ITSHKSH-së, si dhe për rëndësinë e paraqitjes së studiuesve të huaj për historinë tonë kombëtare.

Drejtoi i ITSHKSH-së, Dr.Shefqet Zekolli, duke e prezantuar studiuesen franceze Evelin, tha se ajo ka bërë një punë të madhe në hulumtimin e historisë sonë kombëtare, dhe veçanërisht duke u marrë me studimin e figurës së Jashar Erebarës, i cili ka lënë gjurmë të pashlyeshme në arsimin, kulturën dhe publicistikën shqiptare.

Më tej në ligjeratën e saj të gjatë me temë “Jashar Sadik Erebara (1875-1953), itinerari i një atdhetari pak të njohur”, hollësisht përshkroi rrugën jetësore dhe veprimtarinë e kombëtare të Jashar Erebarës, si themelues i gazetave “Albania” në Beograd dhe “Shkupi” në Shkup, themelues i Klubit Shqiptar të Kuamnovës (1909), pastaj si pjesëmarrës i Kongresit të Manastirit, Konferencës së Parisit, Pavarësinë e Shqipërisë, etj.

Vizita e albanologes Evelin në Maqedoni, të mërkurën do të vazhdojë në qytetin e Dibrës, të enjten në Kumanovë dhe të premten në Shkup. /www.itsh.edu.mk/ 

Facebook Koment

Shikoni gjithashtu

U promovua libri “Trashëgimia kulturore islame në Shkup”

Shkup – 26.01.2022 – Sot, në mjediset e Institutit të Trashëgimisë Shpirtërore e Kulturore të …

Lini një Përgjigje