Ekspozita “Guximi qytetar…”, në Uashington dhe Nju Jork

Me rastin e Ditës së ngadhënjimit kundër fashizmit, Instituti i Trashëgimisë Shpirtërore e Kulturore të Shqiptarëve – Shkup, me në krye Dr. Skender Asani, duke u paraprirë përfaqësuesve të disa institucioneve tjera të rëndësishme të Maqedonisë, do të qëndrojnë në Shtetet e Bashkuara të Amerikës (SHBA). Atje do të prezantojnë modelet pozitive të bashkëpunimit ndërmjet komuniteteve, si dhe vlerat historike, traditën dhe besën shqiptare, për shpëtimin e hebrenjve gjatë Luftës së Dytë Botërore.

Kështu, më 9 maj 2016 në Uashington DC, dhe më 12 maj 2016 në Nju Jork, para opinionit publik amerikan do të prezantojnë ekspozitën me temë “Ballafaqimi me të kaluarën – Guximi qytetar në kohë të vështira”.

Përmes kësaj ekspozite arkivore, me 34 fotografi dhe dokumente autentike, do të pasqyrohen realitetet e bashkëpunimit mes komuniteteve në Maqedoni, në rrafshin human, në periudhat më të rënda të Luftës së Dytë Botërore.

-Ekspozita në UASHINGTON hapet më 9.5.2016, në ora 12:00:
Adresa: 2129 Wyoming Ave NW, Washington, DC 20008, United States
Phone: +1 202-667-0501.

-Ekspozita në NJU JORK hapet më 12.5.2016, në ora 19:00:
Adresa: Gallery MC, 549 West 52nd Street, 8th Floor, New York NY 10019.
Phone: 212.581.1966 | E-mail: info@gallerymc.org