Drejtori Asani, takime në Akademinë e Shkencave të Shqipërisë

Tiranë, 22.10.2015 – Drejtori i Institutit të Trashëgimisë Shpirtërore e Kulturore të Shqiptarëve të Maqedonisë, Dr.Skender Asani, sot në Tiranë ka zvilluar takime të frytshme në disa institucione shkencore dhe kulturore.

Ai ka qëndruar në Akademinë e Shkencave të Shqipërisë (ASHSH), ku është takuar me nënkryetarin, akademik Gudar Beqiraj, me të cilin  kanë biseduar për bashkëpunimin në mes të ITSHKSH-së dhe ASHSH-së, në planin e projekteve të përbashkëta shkencore.

Gjatë takimit në këtë institucion të lartë shkencor, me akademik Floresha Dado – përgjegjëse e Seksionit të Shkencave Shoqërore Albanologjike, është biseduar në veçanti për projekte në sferën e albanologjisë, ku planifikohet të realizohen disa projekte të përbashkëta shkencore, siç janë konferencat dhe botimet shkencore.

Drejtori Asani poashtu ka vizituar edhe Teatrin Kombëtar të Operas e Baletit dhe Ansmablin Popullor të Shqipërisë, ku është takuar me drejtorin e përgjithshëm, Ilir Kerni, me të cilin sferë e interesimit ishte ruajtja e trashëgimisë shpirtërore të shqiptarëve në të dyja anët e kufirit.

Këto vizita janë realizuar bashkë me kryetarin e Komunës Çair të Shkupit, Izet Mexhiti, me ç’rast janë pritur edhe nga kryetari i Bashkisë së Tiranës, Erion Veliaj. /www.itsh.edu.mk/