ITSH Instituti i Trashëgimisë Shpirtërore e Kulturore të Shqiptarëve – Shkup
Deklarata e Pavarësisë e nënshkruar më 4 korrik të vitit 1776, është një nga dokumentet më të rëndësishme në historinë e Shteteve të Bashkuara. Kjo Deklaratë përmbante thelbin e idesë mbi lirinë amerikane dhe mbi të drejtat e natyrshme që kanë njerëzit.
Duke uruar 4 korrikun, festën kombëtare të SHBA-së, s’kemi si të mos shprehim edhe një faleminderim të thellë për demokracinë amerikane e cila u bë model edhe për popujt tjerë. Përfitimet nga kjo demokraci, sot janë bërë pjesë e proceseve të rëndësishme, nëpër të cilat po kalojmë edhe ne si rajon dhe si shtet.
Sa herë që vjen 4 Korriku, Dita e Pavarësisë së Amerikës, në kronikën e kohës shënohen rrugëtreguesit nga duhet të ecin shoqëritë, që si pikësynim kanë lirinë dhe të drejtat e natyrshme.
Zoti e bekoftë Amerikën!
Shkup, 4 korrik, 2021
Prof.dr. Skender ASANI – drejtor i ITSHKSH në Shkup
