U promovua libri i Vaso Pashës “E vërteta për Shqipninë dhe shqiptarët”

Sot në hapësirat e Institutit të Trashëgimisë Shpirtërore e Kulturore të Shqiptarëve në Shkup, në bashkëpunim me Institutin për Studime Politike dhe Ndërkombëtare, u organizua promovimi i veprës “E vërteta për Shqipninë dhe shqiptarët” nga Pashko Vasa ose, siç
qëndron në kopertinën e librit, Vassa Efendi.
Promovimin e hapi prof. dr. Milaim Fetai nga Instituti për Studime Politike dhe
Ndërkombëtare, i cili pasi ia dha fjalën drejtorit të Institutit të Trashëgimisë Shpirtërore e Kulturore të Shqiptarëve në Shkup, Dr. Skender Asanit, u dha fjalë promotorëve të veprës: prof. dr. Pëllumb Xhufi, prof. dr. Ali Pajaziti dhe prof. dr. Zeqirija Ibrahimi. Konstatimi i përgjithshëm ishte se ky libër është botimi më i plotë i kësaj vepre në gjuhën shqipe dhe është një botim shumë i rëndësishëm për ta plotësuar historinë dhe kulturën shqiptare dhe, madje,
shqiptarizmin, si ideologji e kombformimit.
Pas tyre të pranishmit i përshëndeti edhe botuesi i librit, drejtori i Fondacionit “Alsar” nga Tirana, Mehdi Gurra, i cili i falënderoi organizatorët dhe pjesëmarrësit në promovim, duke i
theksuar edhe arsyet e botimit të kësaj vepre, si dhe të botimeve të tjera nga “Alsar”.
Në fund drejtori i Institutit për Studime Politike dhe Ndërkombëtare, prof. dr. Ylber Sela, u ndau mirënjohje botuesit, Mehdi Gurra, si dhe profesorëve Pëllumb Xhufi dhe Ali Pajaziti.
Facebook Koment

Shikoni gjithashtu

Salla e Institutit do të quhet “Presidenti Woodrow Wilson”

Me rastin e 100-vjetorit të Konferencës së Paqes, ku spikati roli i presidentit amerikan Woodrow …