Sesioni shkencor kushtuar 110-vjetorit të Kongresit të Manastirit

Manastir, 22 nëntor, 2018 – Sot, në Hotel “Epinal” të Manastirit, i zhvilloi punimet sesioni shkencor kushtuar 110-vjetorit të Kongresit të Manastirit organizuar nga ITSHKSH dhe institutet e akademitë shkencore nga Tirana dhe Shkupi.

Seancën e drejtoi kryesia e punës e përbërë nga studiuesit Xhevat Lloshi, Sabile Keçmezi-Basha, dhe Sevdail Demiri.

Kumtesat e tyre i lexuan profesorë dhe hulumtues të njohur të shkencave albanologjike nga Shqipëria, Kosova dhe Maqedonia si, Shaban Sinani: “Procesi i latinizmit grafematik të shqipes, prej fillimeve deri në Kongresin e Manastirit”; Beqir Meta: “Rrugëtimi drejt Kongresit të Manastirit”; Avzi Mustafa: “Propaganda serbe kundër Alfabetit të gjuhës shqipe”; Xhevat Lloshi: “Raportimet për Kongresin e Manastirit”; Nebi Dervishi: “Personaliteti i Nijazi Ahmet beut”; Sabile Basha-Keçmezi: “Kontributi atdhetar i familjes Qiriazi”; Fehari Ramadani dhe Nazmije Shaqiri: “Çështja shqiptare në fokusin e diplomacisë vjeneze (tetor-nëntor 1908)”; Memli Krasniqi: “Dy raporte të shoqërisë biblike Britanike të Kongresit të Manastirit”; Entela Komnino: “Shqipja-gjuha retorike”; Jeton Arifi dhe Fatmir Arifi: “Kongresi i Manastirit, përcaktim evropian i identitetit të shqiptarëve”; Besnik Rameti dhe Isamet Bakiu: “Klubi Bashkimi, promotor i zgjimit tonë kombëtar”; Izaim Murtezani (fjala e mbylljes së Sesionit shkencor).

Akademia shkencore dhe ky sesion shkencor, u organizuan nga ITSHKSH-Shkup, Akademia e Shkencave e Shqipërisë – Tiranë, Akademia e Studimeve Albanologjike – Tiranë, Instituti i Historisë – Prishtinë, Instituti Albanologjik – Prishtinë, si dhe Instituti për Studime Shqiptare dhe Protestante – Tiranë.

Të gjitha materialet e akademisë dhe sesionit shkencor, do të botohen në numrin e radhës të revistës “Scupi”.

Facebook Koment

Shikoni gjithashtu

Nisi projekti “Instituti dhuron libra!”

  Shkup, 22.01.2020 – Instituti i Trashëgimisë Shpirtërore dhe Kulturore të Shqiptarëve- Shkup nisi realizimin …