Njëqindvjetori i çlirimit të Shkupit, Zekolli e Asani në Junik

“Manifestimi mbahet me 12 gusht dhe ka për qëllim ringjalljen e Shkupit Shqiptar njësoj si para 100 viteve. Kjo ftesë vjen e veçantë për Kryetarin dhe junikasit, meqë 100 vjet më parë kur edhe u mbajt Kuvendi i Junikut nga kryengritësit atë botë, vendimet e marra në Kuvend ishin të shumta ku një prej këtyre vendimeve ka qenë çlirimi i Shkupit”, thuhet në komunikatën e komunës së Junikut

junik2Junik-Kosovë, 2 gusht 2012 – Drejtori i Institutit të Trashëgimisë Shpirtërore dhe Kulturore të Shqiptarëve, Shefqet Zekolli dhe kryetari i Shoqatës së Historianëve Shqiptarë në Maqedoni, Skender Asani, kanë qëndruar dje në Komunën Junik të Kosovës, ku janë pritur nga kreu i saj, Agron Kuçi.

Qëllimi i kësaj vizite, siç informojnë nga Komuna Junik, ka qenë përvjetori 100-të i çlirimit të Shkupit, me ç`rast Zekolli dhe Asani kanë ftuar në Shkup në manifestimet për këtë përvjetor kryetarin Kuçi.

“Manifestimi mbahet me 12 gusht dhe ka për qëllim ringjalljen e Shkupit Shqiptar njësoj si para 100 viteve. Kjo ftesë vjen e veçantë për Kryetarin dhe junikasit, meqë 100 vjet më parë kur edhe u mbajt Kuvendi i Junikut nga kryengritësit atë botë, vendimet e marra në Kuvend ishin të shumta ku një prej këtyre vendimeve ka qenë çlirimi i Shkupit”, thuhet në komunikatën e komunës.

junik

Në këtë takim, i pranishëm ka qenë edhe pinjolli i familjes së Hasan Prishtinës, Mehmet Prishtina, të cilit Kuçi ia ka dorëzuar post-mortum çmimin “Kuvendi i Junikut” dedikuar kontributit të Hasan Prishtinës 100 vjet më parë. Komuna e Junikut në ditët e manifestimi të 100 vjetori të Kuvendit të Junikut ka ndarë çmime për personat dhe familjarët të cilët kanë kontribuar atë botë, për çlirimin e trojeve shqiptare. Manifestimi i 100 vjetorit të Kuvendit të Junikut është mbajtur nga 21 -25 Maj dhe është organizuar nën Patronatin e Kryeministrit të Republikës së  Kosovës dhe Komunës së Junikut. /zhurnal/

……………………………………………………………………………………………………………………………………….

 

Facebook Koment

Shikoni gjithashtu

KUAZAT HUMANE TË NËNË TEREZËS, UDHËRRËFYES PËR TË SOTMEN DHE TË ARDHMEN TONË

KUAZAT HUMANE TË NËNË TEREZËS, UDHËRRËFYES PËR TË SOTMEN DHE TË ARDHMEN TONË Sot në …

Lini një Përgjigje