Ministri Ismaili, në promovimin e veprës mbi Kolë Bojaxhiun

Shkup, 5.9.2019 – Sot në Institutin e Trashëgimisë Shpirtërore e Kulturore të Shqiptarëve, qëndroi ministri i Kulturës i Republikës së Maqedonisë së Veriut, Hysni Ismaili, i cili u prit nga drejtori i këtij instituti, Skender Asani.

Ministri Ismaili dhe drejtori Asani biseduan për zhvillimin e projekteve të Institutit, të cilat janë mbështetur nga Ministria e Kulturës, me ç’rast ministri i Kulturës u zotua se Ministria e Kulturës do të vazhdojë ta mbështesë Institutin në projektet kulturore dhe, veçmas, në mbrojtjen e trashëgimisë shqiptare në Maqedoninë e Veriut.

Edhe drejtori Asani, nga ana e tij, e falënderoi Ministrin për vizitën dhe shprehu kënaqësinë e tij për mbështetjen e Institutit dhe shfaqi bindjen se u bashkëpunimi do të rrjedhë edhe në të ardhmen. Ai e njoftoi ministrin me projektet e realizuara, me sfidat me të cilat përballet Instituti dhe me synimet që i ka ky institut në planin shkencor dhe kulturor.

Gjatë këtij vizite ministri mori pjesë edhe në promovimin e një vepre mbi Kolë Bojaxhiun, që po ashtu është mbështetur nga Ministria e Kulturës e Republikës së Maqedonisë së Veriut. Libri me titull “Kolë Bojaxhiu – atdhetari shkupjan (konferencë shkencore me rastin e 100-vjetorit të vdekjes)”, është botim i përbashkët me Shtëpinë Përkujtimore Nëna Terezë.

Gjatë promovimit, përpos ministrit, fjalë rasti patën edhe drejtorët e dy institucioneve Skender Asani e Arian Asllanaj, koordinatorja Nora Maliqi, përfaqësuesi i familjeve katolike shqiptare në Shkup Anton Serreqi, dhe përfaqësuesi i ambasadës së Kosovës në Shkup Agim Krasniqi.

Facebook Koment

Shikoni gjithashtu

KUAZAT HUMANE TË NËNË TEREZËS, UDHËRRËFYES PËR TË SOTMEN DHE TË ARDHMEN TONË

KUAZAT HUMANE TË NËNË TEREZËS, UDHËRRËFYES PËR TË SOTMEN DHE TË ARDHMEN TONË Sot në …