NJOFTIM: Ekspozita fotografike “Unë jam SHQIPTAR”

Ekspozita fotografike kushtuar diasporës shqiptare ndër shekuj “Unë jam SHQIPTAR”.

Organizuar nga Muzeu Historik Kombëtar i Shqipërisë, Galeria Kombëtare e Maqedonisë dhe Instituti i Trashëgimisë Shpirtërore e Kulturore të Shqiptarëve në Maqedoni.

 

Më 15.10.2018 (e hënë), ora 19:00,

Vendi: Galeria nacionale – Qendra multimediale ”Stacioni i vogël”,  Shkup

Rr. “Jordan Mijalkov”, nr. 18, 1000, Skopje.

http://nationalgallery.mk/stacioni-i-vogel-malla-stanica/?lang=sq

 

Ekspozita e cila për tematikë ka emigrimin e shqiptarëve, përfshin materiale fotografike mbi diasporën shqiptare ndër shekuj. Ekspozita fillon në mënyrë kronologjike me fotografinë e Heroit Kombëtar, Gjergj Kastriotit Skënderbeut, si përfaqësues i epokës më të lavdishme të shqiptarëve por dhe kohës kur filluan valët e para të emigrimit shqiptar.

Ekspozita gjithashtu përmban foto të arbëreshëve të parë me ngulimet e tyre në Italinë e Jugut, foto të arvanitasve dhe rilindësve shqiptarë. Fotoja e emigrantit të parë në SHBA është moment i rëndësishëm në ekspozitë, duke vijuar më fotografi të shoqërive të para patriotike në Sofje, Bukuresht, Kajro, Stamboll e Vjenë. Pjesa tjetër e ekspozitës, por jo më pak e rëndësishme, prezantohet nëpërmjet fotografive nga personalitetet e suksesshme shqiptarë në vendet e emigrimit të tyre.

Facebook Koment

Shikoni gjithashtu

ITSHKSH do të promovojë librin “LEGJISLACIONI BAZIK MBI ANTISEMITIZMIN I MBRETËRISË BULLGARE”

Me 10 mars 2020 (e martë), prej ora 13:00, në Institutin e Trashëgimisë Shpirtërore e …