DPA dhe ITSHKSH shkëmbejnë dokumentet për Nënë Terezën

Tiranë/Shkup, 9.9.2020 – Drejtoria e Përgjithshme e Arkivave të Shqipërisë në kuadër të bashkëpunimit reciprok me Institutin e Trashëgimisë Shpirtërore Kulturore të Shqiptarëve të Maqedonisë së Veriut, vazhdojnë aktivitetet e ndërsjella në fusha të përbashkëta të ruajtjes së trashëgimisë tonë kulturore.

Me rastin e përkujtimeve të 110-vjetorit të lindjes dhe 4-vjetorit të shenjtërimit të Nënë Terezës, Departamenti për Hulumtimin e Trashëgimisë së Gonxhe Bojaxhiut pranë ITSHKSH-së në Maqedoninë në Veriut dhe Arkivi Qendror Shtetëror i Shqipërisë, do të bëjnë shkëmbimin e ndërsjellë të kopjeve të dokumentacionit arkivor që ruhet aktualisht në këto dy arkiva respektive të materialeve që bëjnë pjesë në fondin e Gonxhe Bojaxhiut (Nënë Terezës). Kjo procedurë do të realizohet në formate të ndryshme të kopjeve.

Ky shkëmbim dokumentacioni do të bëhet për të pasuruar fondet e arkivave dhe për t’u mundësuar qytetarëve të të dy vendeve të kenë akses të plotë në fondin e njësuar të Nënë Terezës.

Të tilla janë edhe disa nga dokumentet e DPA-së në vijim, letra të shkruara nga dora e Nënë Terezës, që iu janë dorëzuar ITSHKSH-së.

 

Facebook Koment

Shikoni gjithashtu

Dr. Asani, pjesëmarrës në takimin vjetor botëror të programit MERRI

Shkup, 17.09.2020 –  Për tri ditë me radhë (15,16,17 shtator), me ftesë të Departamentit të …